ನಿಮ್ಮ ಸೃಜನಶೀಲ ಪ್ರತಿಭೆಗೆ ಏಳು ಕೀಗಳು

         

ನಿಮ್ಮ ನೈಸರ್ಗಿಕ ಸೃಜನಶೀಲತೆಯನ್ನು ನೀವು ತ್ವರಿತವಾಗಿ ಪ್ರವೇಶಿಸಲು ಮತ್ತು ನೀವು ಇಷ್ಟಪಡುವ ಯಾವುದನ್ನಾದರೂ ರಚಿಸಲು ಏಳು  ಮಾರ್ಗಗಳು ಇಲ್ಲಿವೆ.

1.1.1.  ಮಗುವಿನಂತೆ ಯೋಚಿಸಿ.   

           ವಯಸ್ಕರಾದ ನಾವು ಎಷ್ಟು ಬುದ್ಧಿವಂತರು ಎಂಬುದನ್ನು ತೋರಿಸುವ ಉದ್ದೇಶದಿಂದ ನಿಯಮಾಧೀನ ರೀತಿಯಲ್ಲಿ ಯೋಚಿಸಲು ಒಲವು ತೋರುತ್ತೇವೆ.  ಆದರೆ ಮಕ್ಕಳಾಗಿದ್ದಾಗ ನಾವು ಸರಳವಾಗಿ,ಸ್ವಾಭಾವಿಕವಾಗಿ  ನಮ್ಮ ಆಲೋಚನೆಯಲ್ಲಿ ಹೆಚ್ಚು ಸೃಜನಶೀಲರಾಗಿದ್ದೆವು ಎಂಬುದನ್ನು ನೆನಪಿಸಿಕೊಳ್ಳಿ. ಕುತೂಹಲವನ್ನು ಪುನಃ ಸೆರೆಹಿಡಿಯಲು, ವಿಷಯಗಳನ್ನು ಆಶ್ಚರ್ಯಪಡಲು, ಹೆಚ್ಚು ಸೃಜನಶೀಲರಾಗಲು ಮಗುವಿನಂತೆ ಯೋಚಿಸಲು ಆರಂಭಿಸಿ.

 

2.  ಸಂಪರ್ಕಗಳನ್ನು  ಏರ್ಪಡಿಸಿ

         ಸೃಜನಶೀಲರಾಗಲು ವಿಶ್ವವಿದ್ಯಾಲಯಗಳ ಪದವಿ ಅಗತ್ಯವಿಲ್ಲ.  ಅಸ್ತಿತ್ವದಲ್ಲಿರುವ ಆಲೋಚನೆಗಳ ನಡುವೆ ಉತ್ತಮ ಸಂಪರ್ಕವನ್ನು ಏರ್ಪಡಿಸುವ ಅಗತ್ಯವಿದೆ.  ಉದಾಹರಣೆಗೆ ಕ್ರಿ.ಪೂ 2000 ರಲ್ಲಿ ಐಸ್ ಕ್ರೀಮ್ ಅನ್ನು ಕಂಡುಹಿಡಿಯಲಾಯಿತು  ಆದರೆ  'ಕೋನ್' ಕಲ್ಪನೆಯೊಂದಿಗೆ ಬರಲು ಇನ್ನೂ 3900 ವರ್ಷಗಳನ್ನು ತೆಗೆದುಕೊಳ್ಳಲಾಯಿತು.  ನೀವು ಸಂಬಂಧವಿಲ್ಲದ ಎರಡು ವಸ್ತುಗಳನ್ನು ಅಥವಾ ವಿಷಯಗಳನ್ನು ತೆಗೆದುಕೊಂಡು ಸೃಜನಶೀಲತೆಯ ಕಿಡಿಯನ್ನು ಹೊತ್ತಿಸಿದಾಗ ಅಲ್ಲಿ ಪ್ರತಿಭೆ ಸಂಭವಿಸುತ್ತದೆ.

3. ಸ್ವಲ್ಪ ತರ್ಕಬದ್ಧವಾಗಿರಿ.  

        ವಿಷಯಗಳನ್ನು ಅಚ್ಚುಕಟ್ಟಾಗಿ ಕಟ್ಟುಗಳಲ್ಲಿ ಕಟ್ಟಿಹಾಕಲು ಬಯಸುವುದು ವಿಶಿಷ್ಟವಾದ ಪಾಶ್ಚಾತ್ಯ ಲಕ್ಷಣವಾಗಿದೆ.  ನಾವು ಸಮಸ್ಯೆಗಳಿಗೆ ನೇರ ಪರಿಹಾರಗಳನ್ನು ಮತ್ತು ಪ್ರಶ್ನೆಗಳಿಗೆ ನೇರ ಉತ್ತರಗಳನ್ನು ಬಯಸುತ್ತೇವೆ. ಆದರೆ 'ಸೃಜನಶೀಲತೆ' ಸಮಸ್ಯೆ ಹಾಗೂ ಪ್ರಶ್ನೆಗಳಿಗೆ  ಹೊಂದಿಕೆಯಾಗುವ ಇತರ‌ ಪರಿಹಾರಗಳ ಬಗ್ಗೆ ತಾರ್ಕಿಕವಾಗಿ ಆಲೋಚಿಸಲು ಬಯಸುತ್ತದೆ. 

4. ಹೆಚ್ಚು ಹಾಸ್ಯಪ್ರಜ್ಞೆಯುಳ್ಳವರಾಗಿರಿ.  

        ಹಾಸ್ಯವು ಅತ್ಯುತ್ತಮ ಸೃಜನಶೀಲ ಸಾಧನಗಳಲ್ಲಿ ಒಂದಾಗಿದೆ.  ಇದು ನಮ್ಮ ಸಾಮಾನ್ಯ ಮಾದರಿಗಳಿಂದ ನಮ್ಮನ್ನು ಹೊರಹಾಕುತ್ತದೆ ಮತ್ತು ನವೀನ  ವಿಚಾರಗಳಿಗೆ  ದಾರಿಮಾಡಿಕೊಡುತ್ತದೆ.ಹಾಸ್ಯ ಟೇಪ್‌ಗಳನ್ನು ಕೇಳಿದ ನಂತರ ಸಮಸ್ಯೆಗಳನ್ನು ಪರಿಹರಿಸುವ ವಿದ್ಯಾರ್ಥಿಗಳ ಸಾಮರ್ಥ್ಯವು 60% ರಷ್ಟು ಹೆಚ್ಚಾಗುತ್ತದೆ ಎಂದು ಕಂಡುಬಂದಿದೆ.

5. ನಿಮ್ಮ ಮಿತಿಗಳ ಹೊರಗೆ ಯೋಚಿಸಿ.  

         ಇಂದು ನಾವು ತೆಗೆದುಕೊಳ್ಳುವ ಅನೇಕ ಉತ್ಪನ್ನಗಳು ಜನರು ತಮ್ಮ ಮಿತಿಗಳನ್ನು ಮೀರಿ ಯೋಚಿಸುವ ಫಲಿತಾಂಶವಾಗಿದೆ.  1980 ರ ದಶಕದಲ್ಲಿ ಹೋಟೆಲ್‌ವೊಂದರಲ್ಲಿ ಕಂಪ್ಯೂಟರ್ ಸಮ್ಮೇಳನದಲ್ಲಿ ಭಾಗವಹಿಸಿದ್ದ 'ಜಾನ್ ಲಿನ್' ಅವರು ತಮ್ಮ ಮುಂದಿನ ಆಲೋಚನೆ 'ಗಣಕೀಕೃತ ಬಾಗಿಲು'ಗಳೆಂದು ಹೇಳಿದಾಗ ಅನೇಕರು ಗೇಲಿ ಮಾಡಿದ್ದರು.  20 ವರ್ಷಗಳ ನಂತರ ಮತ್ತೆ ಅದೇ ಹೋಟೆಲ್‌ಗೆ ಹೋದಾಗ, ಎಲ್ಲಾ ಬಾಗಿಲುಗಳು ಕಂಪ್ಯೂಟರ್-ಪ್ರೋಗ್ರಾಮ್ ಮಾಡಿದ ಕೀ ಕಾರ್ಡ್‌ಗಳನ್ನು ಬಳಸುತ್ತಿದ್ದವು.

 

6. ಅಳವಡಿಸಿಕೊಳ್ಳಿ ಮತ್ತು ಹೊಂದಿಕೊಳ್ಳಿ. 

        ಸೃಜನಶೀಲರಾಗಿರಲು ಗಂಭೀರವಾದ ಆಲೋಚನೆಗಳ ಅಗತ್ಯವಿಲ್ಲ.  ವಿಭಿನ್ನವಾಗಿ ಕೆಲಸ ಮಾಡುವುದನ್ನು ಅಳವಡಿಸಿಕೊಳ್ಳುವುದರ  ಮೂಲಕ ಹೆಚ್ಚು ಸೃಜನಶೀಲರಾಗಬಹುದು.  ಕಲ್ಪನೆಗಳ ಮತ್ತೊಂದು ಮೂಲವೆಂದರೆ ಪ್ರಕೃತಿ.ಪ್ರಕೃತಿಯೊಂದಿಗೆ ಹೆಚ್ಚು ಹೊಂದಿಕೊಳ್ಳುತ್ತಾ ಸಾಗಿದಂತೆ ಸೃಜನಶೀಲತೆ ಹೆಚ್ಚು ಹೆಚ್ಚು ಜಾಗೃತವಾಗತೊಡಗುತ್ತದೆ.

 

7. ನಿಮ್ಮ ಕನಸುಗಳನ್ನು ನೆನಪಿಡಿ.  

          ಕನಸು ಕಾಣುವುದು ಆಲೋಚನೆಗಳ ಸಮೃದ್ಧತೆಯನ್ನು ಉಂಟುಮಾಡಬಹುದು, ಏಕೆಂದರೆ ನಾವು ವಿಶ್ರಾಂತಿ ಪಡೆಯುತ್ತಿರುವಾಗ  ಉಂಟಾಗುವ ಉಪಪ್ರಜ್ಞೆ ಮನಸ್ಸು ಸ್ವತಃ ಕೆಲಸ ಮಾಡಲು ಅವಕಾಶ ಮಾಡಿಕೊಡುತ್ತದೆ. ಆರ್ಕಿಮಿಡಿಸ್ ನಿಗೆ ಸ್ನಾನದ ಮನೆಯಲ್ಲಿ  ಹೊಳೆದಂತೆ ನಮಗೂ ಹೆಚ್ಚಿನ ಸ್ಫೂರ್ತಿಯ ಹೊಳಪುಗಳು ಹೊಳೆಯಬಹುದು.

    ಈ ಏಳು  ಸೃಜನಶೀಲ ಚಿಂತನಾ ತಂತ್ರಗಳನ್ನು ಅನ್ವಯಿಸಿಕೊಂಡು  ಅವುಗಳನ್ನು ನಿಮ್ಮ ದೈನಂದಿನ ಚಿಂತನೆಯ ಭಾಗವಾಗಿಸಿಕೊಂಡರೆ  ನಿಮ್ಮ ಸಮಸ್ಯೆಗಳಿಗೆ ಹೊಸ ಪರಿಹಾರಗಳು  ಸುಲಭವಾಗಿ ಮತ್ತು ವೇಗದಿಂದ ತೆರೆದುಕೊಳ್ಳುತ್ತವೆ ಎಂದು ನಾನು ಖಾತರಿಪಡಿಸುತ್ತೇನೆ.